Gedichte im Dialekt von Edith Kienzl

Schware Muattaspråch

Wånnst glabst, die Muattaspråch is leicht,
Bua - dås kånn di schiach betaggl,
auf an oanzign Mundårtwort
kånnst himma gånz schea umahaggl!

Wal, gach a Wort dås spudert si,

es sprigglt und spreizt si - kimb da vür,
und übahammisch stulpast drüba,
åls lagat a Drischpl vor da Tür!

Bringst's neamma hinta, neeamma v'chi,
es steckt dir zwischn Håls und Zähnt,
as wia a z'groaßa Suppmgrudl -
kånnst nur mehr fuchtl mit die Händ!

Und håst du di amål vahåschplt,
fippat dir bestimb die Stimm,
håt di a oanzigs Wort daloudat,
dei scheani Ånspråch is dahin!

Ach låss die Treatschn jå net hänkn,
wenn Du a Wort net ausabringst,
bevor's vadoumplasch di vapleappast,
is gscheida, wennst a Liadle singst!

Du kånnst, wenn du di noch so zåmmreißt,
net s'Låvnttålerisch' studiern!
du muaßt va Årdbirnsterz bis Zwöischpm
die Ausspråch selba ausprobiern!

Da wife Theißnegger
A Stådtiga låsst sich's net nehm, is nåch Theißnegg he Urlaub kemm. (mit Video)
Mei erschtes Gedicht
Mei erschts Gedicht is koa Gedicht, es is vülmehr a blede Gschicht.
Wia ma a Gedichtle schreib
Wia ma a Gedichtle schreib? Mein Gott na, dås is gånz leicht!
Låvnttålarisch is schwar
A Lehrin (zuagroast) - håts recht schwer, kimb sie ins Låvnttål daher... (mit Video)
Suachst wås zan Verschenkn?
Suachst wås Liabes zan Vaschenkn?
Die Weihnachtsmaus
Im Advent, in unsern Haus schleicht ummanånd die Weihnachtsmaus.
Hausmånn
Ach wia hånn i's schean und fein, endlich kånn i Hausmånn sein...
Wås jeda woaß
Van Rachn wird die Lungan hin...
Die Vaehrer va mei Mizzi-Tant
I hån sie gern − mei Mizzi-Tant, nur gach amål håt sie an Grant... (mit Video)
Schware Muattaspråch
Wånnst glabst, die Muattaspråch is leicht,...
"S' Mostpipler Simili "
S' Simili, dås piplt zvül, da Most, dås is sei Lebm,... (mit Video)