Wånn i geh allan in Gårtn,
då werd mas klår,
dås Lebn is wia a Bamle,
a Bamle untan Jåhr.
Miaß ma ålle amål Åbschied nehman,
wånn unsa letztes Stündle werd keman.
Wånns Herzle niama wül schlågn,
tuats die Seel in a åndas Lebn umetrågn.
Es Bichlgeischandale, bugglet und klan,
tuat obn in da Öggartn Küehfuatta mahn.
Auf amål vadraht es Mandl sein Krågn,
valiert de Söngsn, greift aufn Mågn,
draht se um seina, wålgg üban Ran
und bleib aufn Wög untn liegn wiar a Stan.
Die Antogsfliagn Summsale-
es war a stromma Bua-
is heint aus ihrn Ei ausgschlupft
um fünfe in da Fruah.
Unser Landle
(Primus Lessiak)
D'r Herrgott håt glåcht,
wie er's Landle hat gmåcht,
håt si selber recht gwundert
über går so viel Pråcht.